Cermah Basa Sunda - Ngajaga Kabersihan
Ngajaga
Kabersihan
Geus
teu asing deui arurang kana kecap kabersihan anu sering didangukeun mung ,
arurang didieu kurang kasadaranna ngalarapkeunna dina sapopoe aktipitas.
Kabersihan mangrupakeun sabagian tina iman anu saestuna urang kudu inget yen
kabersihan mangrupakeun jalan urang ibadah nu utamana urang ka Gusti Alloh
teras ka papada manusa jeung ka alam nu sakitu endahna ieu. Diantarana kaayan
ayeuna ningal jalma sok nyepelekeun wae kana kabersihan nu dimimitianna miceun
runtah kamana wae henteu kana tempatna atau tong sampah, ku kituna anu hal
paling hampang dina miceun calacah jeung puntung roko we sok kamana wae sakitu
hanteu tartibna barang saenggeus pamake teh. Hal ieu anu mangrupakeun lambat
laun ngarusak jatidiri urang salaku muslim anu dina ajaran agama urang nyaeta
Islam nepika ka jentre ngabahas kabersihan pikeun umatna anu saterusna kana nyiptakeun
kaendahan bagi diri urang tur lingkungan hirup sakitar.
Kabersihan nyaeta bentuk tartibna dina suatu kaayaan
lingkungan anu teu pabalatak boh dina runtah atawa jeung sajabana anu bisa
ngarusak kaendahan dina hiji tempat, tina kaayan kieu pieun hirup urang merenah
tumaninah ngalakonan hirup dina hiji tempat misalna kaayan di imah husus na di
kamar pabalatak teu kaatur jeung rarujit nyaeta nandakeun yen nu ngisina teu
bisa ngajaga kabersihan dina pokok ieu bisa dijadikan peunteun yen eta jalma kurang
kasadarana tina ngajaga kabersihan atawa jarang bebersih bisa kusabab
sababaraha paktor anu ngadukung pikeun bijilna kalakuan siga anu kitu teh
diantarana kusabab hoream atau males , sibuk ku pagawean anu di luar jadi
henteu kaburu mersihan kamar , jeung kurangna kana kacintaan lingkungan . Dina
sababaraha paktor nu di jentrekeun nyaeta bentuk pariasi tina alesan – alesan
atau argumen anu bisa jadi landasan kunaon eta jalma tara mersihan kamarna,
mung anu intinamah kasadaran jang kabersihan teh kudu di nomor hijikeun pikeun
kanyamanan sorangan tur babarengan.
Pentingna kabersihan oge aya dina ayat suci al
qur’an anu ngajentrekeun nyaeta dina surat Al Baqarah ayat dua ratus dua puluh
dua anu hartina "Saestuna Allah mikaresep jalma - jalma anu bertobat jeung
mikaresep jalma – jalma anu nyucikeun dirina.” Dina hartina jelas pisan Allah
mikaresep jalma anu nyucikeun dirina. Salain tina ayat suci al qur’an anu
ngajentrekeun aya deui dina hadits anu diriwayatkeun ku Muslim ti Abu Malik
Al-Asy’ariy nyarios : Rasulullah SAW nyampaikan sabda : “Kesucian nyaeta syarat
iman.” (HR. Muslim). Tina dua pembahasan tadi bisa ditarik garis tegasna nyaeta
dina kabersihan saling nyambung jeung patali pisan jeung kana kasucian hal ieu
anu bisa yen saorang jalma meunang kasucian tina kabersihan teh jeung
kabuktianna yen saorang jalma teh nandakeun dirina jalma anu beriman.
Ku canggih na jaman ayeuna nepikeun ngahubungkeun
jalma ti sababaraha daerah ku lewat carana suara , gambar boh videona nepikeun
sagalana tina jaman ayeuna sagala gampil ku payu ngahontalna kacanggihan
teknologi komunikasi barang tangtuna nepikeun hahargaan jaman ayeunamah geus
apung – apungan, ku anu kaayan kieuna nyieun kaayaan jalma – jalma kurang fokus
deui kana kabersihan salewihna geus ngageser nepikeun teu paduli kusabab
cecekelan hirupna anu dimana nuturkeun kaayan jaman sangkan leungit paripolah
jeung kabiasaan budaya hirup jeung norma – norma hirup babarengan gotong royong
atawa sabilulungan dina hal ieu jadi pamersatu karagaman dina hirup kaasup dijerona
ngeusi ngeunaan miara lingkungan jeung diri sorangan. Dina kaayan kieu jalma
sering ngagampangkeun kana tina sagala hal nepikeun ngapohokeun karuksakan dina
kalakuanna nu bakal ngarusak lingkungan , conto na dina miceun runtah kamana
wae hususna ka walungan gede ieu nandakeun kapribadian anu goreng tong
diturutan anu dimana ngagampangkeun kana kaayan anu mangrupakeun sabab jeung
akibatna dina sapopoe ayeuna keur usum hujan bakal nyien ca’ah jeung banjir anu
bisa nyieun korban jiwa di deket wilayahna anu nyieun saluran cai jeung
walungan mampet teu bisa jalan siga kumha pungsina, salain tidinya wabah
panyakit oge nyieun jeung nyiar korban anu bakal gering tina teu ngajagana
kabersihan teh anu dimimitian gering muntaber , panyakit kulit ku sabab infeksi
tina cai anu jaram tur bau , jeung tempat sarang panyakit reungit demam
berdarah anu nyicingan tempat cai kotor anu tenang.
Dina sasabaraha masalah anu geus dijentrekeun ,
saurang muslim kudu boga kapribadian anu salaras jeung kaimanan nyaeta
dibuktikeunna ku kabersihan lingkungan , hate , anu akhirna bisa nyucikeun
dirina. Solusi dina kaayan kitu kudu aya na sangsi anu tegas jeung ngiket bagi
para palanggar anu kadeteksi bisa ngarusak lingkungan tina cakupan umumna ,
tina husus na yen kabersihan diri teh geus kudu jadi sajiwa jeung raga urang
pikeun urang salaku umat beragama anu boga aturan jeung norma – norma
lingkungan anu sopan jeung tartib. Kuduna geus jadi barang tuman napel jadi
kapribadian muslim anu sajati , leuwih – leuwih dibere pangarti pentingna
ngajaga kabersihan nu diajarkeun ku kolot ditambah dina sakola formal ti taman
kanak – kanak nepi ka bangku kuliah geus wareg sigana ngabahas kabersihan mung
ngalarapkeunna anu jadi masalah jeung daek henteu ngamimitianna eta tah
mangrupakeun gogoda jang kaum pamuda jaman ayeuna anu geus kabawa ku budaya –
budaya globalisasi anu datang ka bangsa urang pikeun kaum pamuda jaman ayeuna
marales jeung teu paduli lingkungan. Kudu aya pormulasi anyar ku cara ngingetan
jeung ngelingan naekeun tarap kasadaranna satahap demi satahap ngumpulkeun
pamadegan anu sarua pikeun pentingna kabersihan babarengan terus ngagerakeun
babarengan pikeun kamaslahatan tur kaendahan , kanyamanan babarengan pikeun ngarobah kalakuan anu goreng pikeun
sarumanget ngajaga kabersihan hususna kabersihan lingkungan anu jadi bentuk
kacintaan urang ka lingkungan jeung diri urang sorangan.
Komentar
Posting Komentar